Капрезе супа

Капрезе супата, како и истоимената салата, е комбинација од домати, моцарела и босилек. Со доаѓањето на потоплите денови, оваа супа е идеално јадење полно со медитерански вкусови.

Состојки

• 1 кг домати

• 1 главица лук

• 100 мл маслиново масло

• 200 г моцарела

• 150 мл зеленчукова супа

• 1 лажичка кафеав шеќер

• босилек

• балсамико оцет

Подготовка

Подгответе ги доматите и лукот

• Загрејте ја рерната на 200 степени. Ставете ги измиените и преполовени домати, цел лук во плех за печење, попрскајте сè со маслиново масло.

• Печете 20 минути, додека доматите не омекнат. Извадете ги од рерна и оставете да се изладат.

• Ставете ги печените домати во блендер, додадете го исчистениот лук, 3 лажици маслиново масло, босилекот и кафеавиот шеќер. Блендирајте додека не добиете компактна смеса. Ако немате блендер, користете рачен миксер.

• Додајте ја загреаната зеленчукова супа во доматите, добро измешајте. Зачинете по желба со сол и бибер. Гответе на тивок оган 5 минути.

• Сервирајте ја супата топла, додадете моцарела, босилек и неколку капки балсамико оцет.